محشـّـش يسأل زوجته :
وش تفكـّـرين فيه ؟
قالت :
نفس اللّي تفكـّـر فيه !
قال :
الله ياخذك .. بتتزوّجين عليّ ؟!!
*****************
وحده تقول لزوجها :
إذبح خروفين بمناسبة مرور 10 سنوات على زواجنا ..
قال :
وش ذنب الخروفين في غلطة إرتكبها حمـ ...... ؟!!
*******************************
رجاجيل بإستراحة قال لهم واحد :
اللّي يخاف من زوجته يقعد في الجهة اليسار ..
كلـّـهم قاموا إلاّ واحد !
قال له نفس الواحد :
إنت ماتخاف من زوجتك ؟!
قال :
هي قايلة لي قبل ما أروح الإستراحة (( روح الإستراحة بس إن تحرّكت من
مكانك .. لعنت والدي والديك ))
*********************************************
بخيل كان في غيبوبة خمس سنين وصحي ،
قالوا له : الملك فهد مات
فتأثر
قالوا له : الحوثيين هجموا علينا .
فتأثر جدّا جدّا .
قالوا له : الناس في جدّة غرقوا في السيل .
فتأثر جدّا جدّا ودمعت عيونه .
قالوا له : البيبسي صار بريال ونصف .
رجع للغيبوبة .
*************************************
خُلقت المرأة للقافة ، ولتسأل زوجها دائما :
من قابلت ؟
ومن شفت ؟
ومن اتصل بك ؟
ومن رحت معاه أشوفك كاشخ؟
ومن ركب معاك أشوفك مغير المرتبة ؟
ومن .. ومن .. ومن !
لذا سميت المرأة بالإنجليزية "ومن "
وخلق الرجل للمصالة والاعتراض ،
لذا سموه بالإنجليزي "مان "
تأييد للسعوديات ،
مانيب موديكم !
مانيب جايبكم !
مانيب مخليك تروحين معاهم !
مانيب مقدّم على شغالة !
مانعرفهم لاتروحون لهم !
ياذكيهم ذا الإنجليز .
(محشش مثقف)
**************************************
فيه محشّش يركض منحاش ،
سألوه : ليش ؟
قال : ياخي افرض صار شيء فجأة !
********************************************
سعودي يقول لخويه : نفسي أتزوج لبنانية ، لأن اللبنانيات مثل التفاح .. وإلا
سورية لأن السوريات مثل الخوخ ..
رد عليه : التفاح والخوخ يومين ويخربون .. خذ لك سعودية مثل (التمرة) خمسين
سنة ماتخرب !!
انشر تؤجر ( حملة جبر الخواطر )
************************************************** **
محشش يقول للدكتور : أنا عندي مشكلة .!
قال الدكتور : إيش هي ؟!
قال : أكلم ناس بس ماأشوفهم .!
قال الدكتور : متى تجيك الحالة ؟!
قال المحشش : إذا كلمت بالتليفون .
*****************************************
للحياة معنى ،
ومعنى الحياة بحروفها ،
وحروفها ست ،
وست يعني حرمة ،
والحرمة تبي رجال ،
والرجال يبي عيال ،
والعيال يبون حليب ،
والحليب عند البقر ،
والبقر يبي حشيش ،
والحشيش يخليك مدمن ،
والمدمن يصير مروج ،
والمروج يروح السجن !
الاستنتاج /
السجن هو مصيرك إذا دخلت حياتك حرمة .
"تحليل محشش"
*******************************************
فوائد الزوجه النكديه:
1ـ تجعل لسان زوجها رطبآ بذكر الله (طول اليوم يردد :حسبي الله ونعم الوكيل )
2ـ غض البصر (بأسبابها يكره كل الحريم )
3ـ صلة الرحم (على طول شارد بيت أهله من نكدها)
4ـ المحافظه على الوزن (دايم نفسه منسده )
يعني سبحان الله حتى وهي نكديه فيها فايده ..
**********************************************
مراحل نمو المرأة السعودية :
طفلة معقدة
مراهقة مكبوته
شابة مكروفة
زوجة مقهورة
ام صبورة
عجوز ملقوفه !!
* مراحل نمو الرجل السعودي :
طفل جني
مراهق متهور
شاب صايع
زوج خاين
اب مهمل
شايب يطفي اللمبات !!
*****************************************
واحة التسلية و المرح
موضوع: نكت روووووووووووووووووووووووعه 
